Jumat, 21 Juni 2013

ONDEL ONDEL

karena  hari ultah JAKARTA ke_ 486 th

cerita SARDOT tema BETAWIAN

JUMINTEN "Bang, kita nih pacaran kan udah lama. Udah ampir 3 taonan,"

SARDOT" Iye jum, sekitar segitu deh. Emang kenape, lu udeh bosen pacaran ame gue?"

JUMINTEN"Yaa.. ga gitu sih, cuma aye mo nanya, abang serius ga sih ame aye,"

SARDOT"Serius gimane maksudnye jum?"(belaga pilon.)

JUMINTEN"Yee.. aa.bang.. maksudnye abang serius mo nikahin aye, ape cuma mo pacaran doang,"(rada kesel.)

SARDOT"Ya ngga lah jum. Abang juga pengen nikahin dik juminten, tapi ga sekarang, ntar kalo duit abang udeh bejibun, baru deh abang ngelamar dik jum,"

JUMINTEN"Yaaa... kelamaan bang, lah abang aje kerjaannye nadang doang ame babe abang, gimane ngumpulnye..." ( tambah kesel.)

SARDOT"Nah tu, pan lu tau sendiri, abang ude kesono kemari nyari kerjaan, ga dapet-dapet. Ampe lecek ijazah abang dipotokopi berkali-kali." ( sembari curhat.)

JUMINTEN"Abis gimane dong bang, nyak ame babe aye udeh nanyain terus tuh,"

SARDOT"Yee... gimane dong jum?"

JUMINTEN"Jiaaaah... abang malah balik nanya,"
"Begini aje deh bang. Ntar kalo ada yang ngelamar juminten, abang ikhlasin ye. Abang jangan marah,"

SARDOT"Yaaaah... ko gitu jum... Jadi dik jum mutusin abang?"


JUMINTEN"Abis gimane bang, jumi sih ga mao mutusin abang. Tapi nyak ame babe bilang kalo abang ga bisa ngelamar aye minggu ini, babe mao nerima cowok laen yang ngelamar aye,"

SARDOT"Emangnye ade yang mao ame lu jum?" ( sambil mesem, rada ngeremehin juminten.)sardot pikir cuma ia doang yang demen ame juminten

JUMINTEN"Yee... ade lah bang. Emangnye abang aje yang demen ame jumi. Asal abang tau ye, minggu kemaren tuh cowok dateng mao ngelamar jumi. Tapi babe belon nerima lamarannye, babe ngasih kesempatan buat aye negesin ke abang,"  bikin sardot rada seneng, ngerasa di perluin.

SARDOT"Tapi kok ngasih waktunye cuma seminggu. Abang kan perlu ngomongin dulu ame babe abang,"

JUMINTEN"Jiaaah abang, pan aye ude sering bilang ame abang, kapan abang ngelamar aye, abang jawabnye kalo duit ude ngumpul mulu,"

SARDOT"Emang tuh cowok anak mane, berani-beraninye ngelamar cewek gue,"( rada emosi.)

JUMINTEN"Die orang sini juga bang, abang juga kenal. Tapi abang jangan marah ye,"

SARDOT"Anak sini?... Siape?... Si SODRON anaknye kong Dule ape si Joni anak gang Mangge?"

JUMINTEN"Bukaa...n, bukan dua-duanye. Si SODRON mah aye ga demen, apelagi ame Joni yang kerjaannye godain cewek mulu,"


SARDOT" Terus siape dong.. Belon tau sardot kali tuh orang...,"

JUMINTEN"Emangnye abang berani ame tuh cowok?" (rada ngeledek.)

SARDOT"Yee... dik jum ngeremehin a..bang..," (rada sewot.) "Emang dik jum lupa, waktu abang hajar preman yang gangguin dik jum diujung gang," ( pamer.)

JUMINTEN"Iye.. iye bang... aye inget. Tapi nih cowok laen bang, bukan preman,"


SARDOT"Biar kate tuh cowok anak polisi atau anak pejabat... gue jabanin. Enak aje cewek gue mao dilamar.." ( sok jago.)

JUMINTEN"Bukan juga bang.. Die orang biase aje bang... die ntu orang sini, abang juga kenal ame die,"

SARDOT"Emang siape sih  jum?" ( penasaran)

JUMINTEN"anu ..itu
.
.
.
.
.
.
.
.
.
.
.
.
.
.
.
.
.
.







Babe abang,"

SARDOT" Haah...Baabeee," ...... GDUBRAK!!!!
JUMINTEN"Bang... bang.... yeee si abang pingsan!" MUKENYE PERSIS ONDEL ONDEL


Tidak ada komentar:

Posting Komentar